saa(n)s chalatee hai tujhe
chalanaa paḌegaa hee musaaphir!
chal rahaa hai taarakon kaa
dal gagan men geet gaataa,
chal rahaa aakaash bhee hai
shoony men bhramataa-bhramaataa,
paa(n)v ke neeche paḌee
achalaa naheen, yah chanchalaa hai,
ek kaN bhee, ek kShaN bhee
ek thal par Tik n paataa,
shaktiyaa(n) gati kee tujhe
sab or se ghere hue hai;
sthaan se apane tujhe
Talanaa paḌegaa hee, musaaphir!
saa(n)s chalatee hai tujhe
chalanaa paḌegaa hee musaaphir!
the jahaa(n) par gart pairon
ko zamaanaa hee paḌaa thaa,
pattharon se paa(n)v ke
chhaale chhilaanaa hee paḌaa thaa,
ghaas makhamal-see jahaa(n) thee
man gayaa thaa loT sahasaa,
thee ghanee chhaayaa jahaa(n) par
tan juḌaanaa hee paḌaa thaa,
pag pareekShaa, pag pralobhan
zor-kamazoree bharaa too
is taraph DaTanaa udhar
Dhalanaa paḌegaa hee, musaaphir;
saa(n)s chalatee hai tujhe
chalanaa paḌegaa hee musaaphir!
shool kuchh aise, pago men
chetanaa kee sphoorti bharate,
tez chalane ko vivash
karate, hameshaa jabaki gaḌate,
shukriyaa unakaa ki ve
path ko rahe prerak banaae,
kintu kuchh aise ki rukane
ke lie majaboor karate,
aur jo utsaah kaa
dete kalejaa cheer, aise
kanTakon kaa dal tujhe
dalanaa paḌegaa hee, musaaphir;
saa(n)s chalatee hai tujhe
chalanaa paḌegaa hee musaaphir!
soory ne ha(n)sanaa bhulaayaa,
chandramaa ne muskuraanaa,
aur bhoolee yaaminee bhee
taarikaaon ko jagaanaa,
ek jhonke ne bujhaayaa
haath kaa bhee deep lekin
mat banaa isako pathik too
baiTh jaane kaa bahaanaa,
ek kone men hRday ke
aag tere jag rahee hai,
dekhane ko mag tujhe
jalanaa paḌegaa hee, musaaphir;
saa(n)s chalatee hai tujhe
chalanaa paḌegaa hee musaaphir!
vah kaThin path aur kab
usakee museebat bhoolatee hai,
saa(n)s usakee yaad karake
bhee abhee tak phoolatee hai;
yah manuj kee veerataa hai
yaa ki usakee behayaaee,
saath hee aashaa sukhon kaa
svapn lekar jhoolatee hai
saty sudhiyaa(n), jhooTh shaayad
svapn, par chalanaa agar hai,
jhooTh se sach ko tujhe
chhalanaa paḌegaa hee, musaaphir;
saa(n)s chalatee hai tujhe
chalanaa paḌegaa hee musaaphir!
Ref: Satrangini - Dr. Harivansh Rai Bachchan
Pub: Rajpal and Sons
Kashmiri Gate, Delhi -
