lo din beetaa, lo raat gaee,
sooraj Dhalakar pachchhim pahu(n)chaa,
Doobaa, sandhyaa aaee, chhaaee,
sau sandhyaa-see vah sandhyaa thee,
kyon uThate-uThate sochaa thaa,
din men hogee kuchh baat naee.
lo din beetaa, lo raat gaee.
dheeme-dheeme taare nikale,
dheere-dheere nabh men phaile,
sau rajanee-see vah rajanee thee
kyon sandhyaa ko yah sochaa thaa,
nishi men hogee kuchh baat naee.
lo din beetaa, lo raat gaee.
chiḌiyaa(n) chahakeen, kaliyaa(n) mahakee,
poorab se phir sooraj nikalaa,
jaise hotee thee subah huee,
kyon sote-sote sochaa thaa,
hogee praata: kuchh baat naee.
lo din beetaa, lo raat gaee.
