Rachna Aur Tum - Ramanath Awasthi. काव्यालय| Kaavyaalaya: House of Hindi Poetry

meree rachanaa ke arth bahut hain
jo bhee tumase lag jaay lagaa lenaa

main geet luTaataa hoo(n) un logon par
duniyaa(n) men jinakaa kuchh aadhaar naheen
main aa(n)kh milaataa hoo(n) un aa(n)khon se
jinakaa koee bhee paharedaar naheen

aa(n)khon kee bhaaShaa to anagin hain
jo bhee sundar ho vah samajhaa denaa.

poojaa karataa hoo(n) us kamajoree kee
jo jeene ko majaboor kar rahee hai.
man oob rahaa hai ab is duniyaa se
jo mujhako tumase door kar rahee hai

dooree kaa dukh baḌhataa jaataa hai
jo bhee tumase ghaT jaae ghaTaa lenaa

kahataa hai mujh se uḌataa huaa dhu(n)aa
rukane kaa naam n le too chalataa jaa
sanket kar rahaa hai nabh vaalaa ghan
pyaase praaNon par mujh saa galataa jaa

par main pyaasaa hoo(n) maroosthal saa
yah baat samandar ko samajhaa denaa

chaa(n)danee chaḌhaataa hoo(n) un charaNon par
jo apanee raahen aap banaate hain
aavaaj lagaataa hoo(n) un geeton ko
jinako madhuvan men bhaunre gaate hain

madhuvan men soye geet hajaaron hai
jo bhee tumase jag jaae jagaa lenaa

- Ramanath Awasthi

Poet's Address: 14/11, C-4 C Janakpuri, New Delhi
Ref: Naye Purane, September,1998

Donate
A peaceful house of the beauty and solace of Hindi poetry, free from the noise of advertisements... to keep Kaavyaalaya like this, please donate.

₹ 500

₹ 250

Another Amount

Ramanath Awasthi
's other poems on Kaavyaalaya

Rachna Aur Tum

Lachari

Hum Tum

This Month :
'Tumhaare Saath Rahkar'
Sarveshwardayal Saxena

tumhaare saath rahakar
aksar mujhe aisaa mahasoos huaa hai
ki dishaae(n) paas aa gayee hain,
har raastaa chhoTaa ho gayaa hai,
duniyaa simaTakar
ek aa(n)gan-see ban gayee hai
jo khachaakhach bharaa hai,
kaheen bhee ekaant naheen
n baahar, n bheetar.

har cheez kaa aakaar ghaT gayaa hai,
peḌ itane
..

Read more here...

This Month :
'Hamaaree Sahyatra'
Jyotsana Mishra

kabhee-kabhee jeevan koee ghoShaNaa naheen karataa—
vah bas bahataa hai,
jaise koee puraanaa raag,
dheere-dheere aatmaa men utarataa huaa,
binaa shor, binaa aagrah.

hamaare saath ke tees varSh poorN hue hain.
kabhee lagataa hai hamane samay ko jiyaa,
kabhee lagataa hai samay ne hamen taraashaa.
yah saath keval varSh naheen the—
yah do aatmaaon kaa maun sanvaad thaa,
jo shabdon se pare,
par bhaavon se bharapoor rahaa.

jab hamane saath chalanaa shuroo kiyaa,
tum the svapnadraShTaa—
shabdon ke jaadoogar,
bhaviShy ke rangeen rekhaachitron men Doobe hue.
aur main…
main thee vah zameen
..

Read and listen here...

This Month :
'Tum To Pahle Aise Naa The'
Satya Mishra

tum to pahale aise n the
raat biraat aaoge
der saver aaoge...
ham neend men rahen
aa(n)kh naa khule
to rooTh jaaoge...

svapn men aaoge
divaasvapn dikhaaoge
ham kalam uThaae(n)ge
to chhip jaaoge...

bechainiyon kaa kabhee
..

Read more here...

This Month :
'Kuchh Prem Kavitaayein'
Pradeep Shukla

1.
prem kavitaa, kahaaniyaa(n) aur ph़ilmen
jahaa(n) tak le jaa sakatee hain
main gayaa hoo(n) usake paar
kaee baar.
ik ajeeb-see bechainee hotee hai vahaa(n)
jee karataa hai thaam loo(n) koee cheej
koee haath, koee sahaaraa.
main Tik naheen paataa vahaa(n) der tak.

suno,
abase
..

Read and listen here...