bhor kee laalee hRday men raag chup-chup bhar gayee!
jab giree tan par naval pahalee kiran
ho gayaa anajaan chanchal man-hiran
preet kee bholee umangon ko lie
laaj kee gad-gad tarangon ko lie
praat kee sheetal havaa aa, ang surabhit kar gayee!
priy aruN paa jab kamalinee khil gayee
svarg kee saugaat maanon mil gayee,
jhoomatee Daalen pahan nav aabharaN,
harSh-pulakit kis tarah vaataavaraN,
bhar sunaharaa rang, ooShaa kar gayee vasudhaa nayee!
