shuddh sonaa kyon banaayaa, prabhu, mujhe tumane,
kuchh milaavaT chaahie galahaar hone ke lie.
jo milaa tumamen bhalaa kyaa
bhinnataa kaa svaad jaane,
jo niyam men bandh gayaa
vah kyaa bhalaa apavaad jaane!
jo rahaa samakakSh, karuNaa kee milee kab chhaanh usako
kuchh giraavaT chaahie, uddhaar hone ke lie.
jo ajanmaa hai, unhen is
indradhanuShee vishv se sanbandh kyaa!
jo n peeḌaa jhel paaye svayan,
doosaron ke lie unako dvandv kyaa!
ek sraShTaa shoony ko shrRngaar sakataa hai
moh kuchh to chaahie, saakaar hone ke lie!
kyaa nidaagh naheen pravaasee baadalon se
kheench saavan dhaar laataa hai!
nirjharon ke pattharon par geet likkhe
kyaa naheen phenil, madhur sangharSh gaataa hai!
hai abhaav jahaa(n), vaheen hai bhaav durlabh -
kuchh vikarShaN chaahie hee, pyaar hone ke lie!
vaady yantr n dRShTi path, par ho,
madhur jhankaar lagatee aur bhee!
virah ke madhuvan sareekhe deekhate
hain kShaNik sahavaas vaale Thaur bhee!
saath rahane par naheen hotee sahee pahachaan!
chaahie dooree tanik, adhikaar hone ke lie!
-
Shyamanand Kishore
