Samay Ki Shilaa Par - Shambhunath Singh. काव्यालय| Kaavyaalaya: House of Hindi Poetry

samay kee shilaa par madhur chitr kitane
kisee ne banaaye, kisee ne miTaaye.

       kisee ne likhee aa(n)suon se kahaanee
       kisee ne paḌhaa kintu do boond paanee
       isee men gaye beet din zindagee ke
       gayee ghul javaanee, gayee miT nishaanee.
vikal sindhu ke saadh ke megh kitane
dharaa ne uThaaye, gagan ne giraaye.

       shalabh ne shikhaa ko sadaa dhyey maanaa,
       kisee ko lagaa yah maraN kaa bahaanaa,
       shalabh jal n paayaa, shalabh miT n paayaa
       timir men use par milaa kyaa Thikaanaa?
praNay-panth par praaN ke deep kitane
milan ne jalaaye, virah ne bujhaaye.

       bhaTakatee huee raah men vanchanaa kee
       rukee shraant ho jab lahar chetanaa kee
       timir-aavaraN jyoti kaa var banaa tab
       ki TooTee tabhee shrRnkhalaa saadhanaa kee.
nayan-praaN men roop ke svapn kitane
nishaa ne jagaaye, uShaa ne sulaaye.

       surabhi kee anil-pankh par maun bhaaShaa
       uḌee, vandanaa kee jagee supt aashaa
       tuhin-bindu banakar bikhar par gaye svar
       naheen bujh sakee archanaa kee pipaasaa.
kisee ke charaN par varaN-phool kitane
lataa ne chaḌhaaye, lahar ne bahaaye.

- Shambhunath Singh

Ref: Hazaar Varsh Kee Hindi Kavita
Swaantah Sukhaaya
- edited by Kumudini Khaitan

Donate
A peaceful house of the beauty and solace of Hindi poetry, free from the noise of advertisements... to keep Kaavyaalaya like this, please donate.

₹ 500

₹ 250

Another Amount

This Month :
'Tumhaare Saath Rahkar'
Sarveshwardayal Saxena

tumhaare saath rahakar
aksar mujhe aisaa mahasoos huaa hai
ki dishaae(n) paas aa gayee hain,
har raastaa chhoTaa ho gayaa hai,
duniyaa simaTakar
ek aa(n)gan-see ban gayee hai
jo khachaakhach bharaa hai,
kaheen bhee ekaant naheen
n baahar, n bheetar.

har cheez kaa aakaar ghaT gayaa hai,
peḌ itane
..

Read more here...

This Month :
'Hamaaree Sahyatra'
Jyotsana Mishra

kabhee-kabhee jeevan koee ghoShaNaa naheen karataa—
vah bas bahataa hai,
jaise koee puraanaa raag,
dheere-dheere aatmaa men utarataa huaa,
binaa shor, binaa aagrah.

hamaare saath ke tees varSh poorN hue hain.
kabhee lagataa hai hamane samay ko jiyaa,
kabhee lagataa hai samay ne hamen taraashaa.
yah saath keval varSh naheen the—
yah do aatmaaon kaa maun sanvaad thaa,
jo shabdon se pare,
par bhaavon se bharapoor rahaa.

jab hamane saath chalanaa shuroo kiyaa,
tum the svapnadraShTaa—
shabdon ke jaadoogar,
bhaviShy ke rangeen rekhaachitron men Doobe hue.
aur main…
main thee vah zameen
..

Read and listen here...

This Month :
'Tum To Pahle Aise Naa The'
Satya Mishra

tum to pahale aise n the
raat biraat aaoge
der saver aaoge...
ham neend men rahen
aa(n)kh naa khule
to rooTh jaaoge...

svapn men aaoge
divaasvapn dikhaaoge
ham kalam uThaae(n)ge
to chhip jaaoge...

bechainiyon kaa kabhee
..

Read more here...

This Month :
'Kuchh Prem Kavitaayein'
Pradeep Shukla

1.
prem kavitaa, kahaaniyaa(n) aur ph़ilmen
jahaa(n) tak le jaa sakatee hain
main gayaa hoo(n) usake paar
kaee baar.
ik ajeeb-see bechainee hotee hai vahaa(n)
jee karataa hai thaam loo(n) koee cheej
koee haath, koee sahaaraa.
main Tik naheen paataa vahaa(n) der tak.

suno,
abase
..

Read and listen here...