Jab Neend Naheen Aatee Hogee - Rameshwar Shukla 'Anchal'. काव्यालय| Kaavyaalaya: House of Hindi Poetry

Jab Neend Naheen Aatee Hogee

kyaa tum bhee sudhi se thake praaN le-lekar akulaatee hogee!
                       jab neend naheen aatee hogee!
dinabhar ke kaary-bhaar se thak jaataa hogaa joohee-saa tan,
shram se kumhalaa jaataa hogaa mRdu kokaabelee-saa aanan.
lekar tan-man kee shraanti paḌee hogee jab shayyaa par chanchal,
kis marm-vedanaa se krandan karataa hogaa prati rom vikal
aa(n)khon ke ambar se dheere-se os Dhulak jaatee hogee!
                       jab neend naheen aatee hogee!
jaise ghar men deepak n jale le vaisaa andhakaar tan men,
amaraaee men bole n pikee le vaisaa soonaapan man men,
saathee kee Doob rahee naukaa jo khaḌaa dekhataa ho taT par -
usakee-see liye vivashataa tum rah-rah jalatee hogee kaatar.
tum jaag rahee hogee par jaise duniyaa so jaatee hogee!
                       jab neend naheen aatee hogee!
ho chhalak uThee nirjan men kaalee raat avash jyon anajaane,
chhaayaa hogaa vaisaa hee bhayakaaree ujaḌaapan sirahaane,
jeevan kaa sapanaa TooT gayaa - chhooTaa aramaanon kaa sahachar,
ab sheSh naheen hogee praaNon kee kShubdh rulaaee jeevan bhar!
kyon soch yahee tum chintaakul apane se bhay khaatee hogee?
                       jab neend naheen aatee hogee!

- Rameshwar Shukla 'Anchal'

Donate
A peaceful house of the beauty and solace of Hindi poetry, free from the noise of advertisements... to keep Kaavyaalaya like this, please donate.

₹ 500

₹ 250

Another Amount

This Month :
'Tumhaare Saath Rahkar'
Sarveshwardayal Saxena

tumhaare saath rahakar
aksar mujhe aisaa mahasoos huaa hai
ki dishaae(n) paas aa gayee hain,
har raastaa chhoTaa ho gayaa hai,
duniyaa simaTakar
ek aa(n)gan-see ban gayee hai
jo khachaakhach bharaa hai,
kaheen bhee ekaant naheen
n baahar, n bheetar.

har cheez kaa aakaar ghaT gayaa hai,
peḌ itane
..

Read more here...

This Month :
'Hamaaree Sahyatra'
Jyotsana Mishra

kabhee-kabhee jeevan koee ghoShaNaa naheen karataa—
vah bas bahataa hai,
jaise koee puraanaa raag,
dheere-dheere aatmaa men utarataa huaa,
binaa shor, binaa aagrah.

hamaare saath ke tees varSh poorN hue hain.
kabhee lagataa hai hamane samay ko jiyaa,
kabhee lagataa hai samay ne hamen taraashaa.
yah saath keval varSh naheen the—
yah do aatmaaon kaa maun sanvaad thaa,
jo shabdon se pare,
par bhaavon se bharapoor rahaa.

jab hamane saath chalanaa shuroo kiyaa,
tum the svapnadraShTaa—
shabdon ke jaadoogar,
bhaviShy ke rangeen rekhaachitron men Doobe hue.
aur main…
main thee vah zameen
..

Read and listen here...

This Month :
'Tum To Pahle Aise Naa The'
Satya Mishra

tum to pahale aise n the
raat biraat aaoge
der saver aaoge...
ham neend men rahen
aa(n)kh naa khule
to rooTh jaaoge...

svapn men aaoge
divaasvapn dikhaaoge
ham kalam uThaae(n)ge
to chhip jaaoge...

bechainiyon kaa kabhee
..

Read more here...

This Month :
'Kuchh Prem Kavitaayein'
Pradeep Shukla

1.
prem kavitaa, kahaaniyaa(n) aur ph़ilmen
jahaa(n) tak le jaa sakatee hain
main gayaa hoo(n) usake paar
kaee baar.
ik ajeeb-see bechainee hotee hai vahaa(n)
jee karataa hai thaam loo(n) koee cheej
koee haath, koee sahaaraa.
main Tik naheen paataa vahaa(n) der tak.

suno,
abase
..

Read and listen here...